سلامونه خدای تعالی دې وکړی چی روغ او جوړ به یی، زما ادرس په یو ښار کی دی چی هلته زه اوسیدم زه له هغه ځایه بل ښار ته راغلم د کار لپاره چی د کار قرارداد می ددی کار تر اخره پوری دی ایا زه کولای شم چی پدی قرارداد خپل ادرس بدل کړم دا قرارداد یواځی ددی اخره پوری دی او پدی میاشت کی می کار شروع کړو؟ محکمی ته د قرارداد کاپی او د ادرس بدلولو عریضه کړی خو تراوسه یی جواب نه دی راغلی ایا دا به ممکنه وی؟ او دوهم پدی نوی ښار کی می کور ونیو په خپل بغیر له دی چی زه دې د شاروالی ته ثبت شم ایا کومه ستونزه خو به نه جوړوی؟ او دریم زما کور په خپل نوم ايدی کارت هم لرم زه کولای چی د محکمی د اجازی پرته شاروالی ته لاړ شم او ځان راجسټر کړم یا باید د محکمی امر ته په تمه شم؟
سلامونه!
دا خبره ستاسې د استوګنې له اجازې او په جرمني کې د استوګنې له وخت سره اړه لري خو په عمومي توګه لاندې قوانين پلي کيږي:
که چېرې تاسې په جرمني کې د اوسېدو ځای بدلوئ، بايد نوی ځای مو د ثبت په اړونده سيمهييزه اداره يا بورګرامت کې ثبت کړئ. دا کار بايد له بېځايه کېدلو وروسته د دوو اونيو په موده کې وکړئ. په داسې حالت کې تاسې ته دثبت نوی سند درکول کيږي. ستاسې نوې پته به هم ستاسې په اړونده سندونو (د استوګنې اجازه يا اوسوايس) کې وليکل شي.
له ثبت وروسته د ثبت اداره يا بورګرامت ستاسې اړونده پخوانۍ ادارې ته ستاسې د نوې پتې په اړه خبر ورکوي. له همدې کبله اړتيا نشته چې د ثبت پخوانۍ ادارې ته په خپله ورشئ.
ښايي تاسې له يوه په ډېرو کورونو کې واوسئ. که داسې وي نو بايد سيمهييزې ادارې ته ووایئ چې کوم يو مو اصلي کور (Hauptwohnsitz) او کوم يو مو فرعي کور (Nebenwohnsitz) دی. مهم: که تاسې په خپله دوه کورونه لرئ او په دواړو کې اوسېږئ، نو باید یو کور د دوهم کور په توګه ثبت کړئ (نه د فرعي کور په توګه). په ځینو ښارونو کې به بیا د دوهم کور مالیه هم ورکړئ.
يادونه: که جرمنی پرېږدئ او خپل ځان له ثبت څخه ونه باسئ، ښايي مالي پایلې ولري. د بېلګې په توګه، حتی که په جرمني کې نه اوسېږئ، بيا هم ښايي د روغتیايي بیمې او د خپرونو پیسې وغوښتل شي. مهمه دا ده چې یوازې له ثبت ادارې څخه ځان ونه باسئ، بلکې په لیکلې بڼه له خپلې روغتیايي بیمې او نورو ادارو یا خدمت وړاندې کوونکو سره هم اړیکه ونیسئ. دا ځکه چې د ثبت اداره په اتومات ډول دغو ځایونو ته مالومات نه ورکوي.