سلام او وخت په وخت پخیر
زما یو کشر ورور دی ۲۲ کاله عمر لری فعلا د سویس هیواد ۵ کلن اسناد لری.
ایا کولی شی د سویس ۵ کلن اسناد د جرمنی سره تبادله کړي؟
که امکان لری نو څو کلن اسناد سره جرمنی ورکوی؟
که چیری د تبادله کیدو امکان نه وی او غیر قانونی ډول جرمنی ته راشی سرنوشت به یی څه وی؟
سلامونه او ټوګېدر این جرمني ویبپاڼې ته درته ښه راغلاست وایم!
متاسفانه د اسنادو د تبادلې په نوم خو داسې خاص کوم څه نشته، یعنې په دې اړه کوم ځانګړی قانون یا دېته ورته کوم موضوع د اروپایي اتحادیې په قوانینو کې نشته، اما په ځینې ځانګړو شرایط کې بیا کولی شي، د اروپایي اتحادیې د استوګنې د دایمې اجازې غوښتنه وکړي چې بیا د اروپایي اتحادیې په هر غړي هېواد کې اوسېدلی شي. او د دې تر څنګ چې که غیر قانوني جرمني ته راشي او دلته د پناه غوښتنه وکړي د دوبلین د قوانینو له مخې دوبلین کېږي او بېرته هماغه هېواد ته استول کېږي.
که لا هم په دې اړه پوښتنه لرئ هیله ده چې دلته یې راته ولیکئ.
په درنښت