انا بتنتهي اقامتي ب 29 الشهر السادس .. اقامتي لم شمل ...وانا لازم ارجع ع سوريا بهالفترة ولازم ضل لنصف الشهر العاشر / 2023 (تقريبا خمسة شهور)
طالعلي زوجي هي الورقة يلي مدتها ستة شهور لكن تنتهي صلاحيتها ايضا بنهاية الشهر العاشر
انا اول مرة اسافر بعد ما اجيت ع المانيا لذلك عندي قلق من الموضوع خصوصا انو رجعتي ع المانيا بتكون رح تخلص مدة هذا الورقة (يلي هيي مؤقتة )
سؤالي كل شي عاملينو صح؟ وفي خطورة انو ما يفوتني المانيا؟
مرحبا tala
شكرا لطرح سؤالك على منصتنا!
حتى اقدر اعطيكي جواب صحيح بحاجة معلومات أكتر منك. شو نوع إقامتك، هل هي § 23Abs. 1؟ هل تقدمتي بطلب لتمديد الإقامة وشو هي الورقة يلي مدتها ستة أشهر؟ قصدك Fiktionsbescheinigung؟
بكل الأحوال لازم تنتبهي انو يكون تصريح إقامتك ساري عند عودتك الى ألمانيا ولازم ما تتجاوز مدة سفرك ستة أشهر، بحال تجاوزت هذه المدة فانتِ بحاجة لموافقة مكتب الأجانب لتجنب فقدان الإقامة.
اذا بتحبي فيكي تخبريني بأية مدينة ساكنة وانا بساعدك بإيجاد مركز استشاري للحصول على استشارة مجانية ومختصة.
تحياتي لك،
أسامة
شكرا الك كتير .. انا بهانوفر .. نوع اقامتي 30ABS .1S.1
واي قصدي على انو معي هي Fiktionsbescheinigung بتنتهي باخر العاشر 2023
بالاضافة ل بطاقة الاقامة يلي بتنتهي بأخر السادس 2023
وقدمت مو طلب تمديد ...بس اخدت موعد ..اخدتو بالشهر العاشر كمان مشان كون راجعة ...لان زحمة ما عطوني قبل
ويلي على Fiktionsbescheinigung مكتوب اكس على( §81
ABS.4 AUFENTHG)
tala شكرا عالمعلومات!
بموجب تأشيرة الإقامة المؤقتة يلي معك بتقدري تسافري لكن لمدة أقصاها ستة أشهر ومهم جداً ترجعي على ألمانيا قبل انتهاء صلاحيتها وقبل موعدك مع مكتب الأجانب مشان تقدمي طلب تمديد الإقامة وتتجنبي أي مشاكل.
اذا بتحبي تحصلي على استشارة شخصية فيكي تتواصل مع المركز التالي الموجود في هانوفر وتحددي موعد معهم للإجابة عن جميع أسئلتك:
https://www.diakonisches-werk-hannover.de/beratung-leistung/menschen-mi…
أو بإمكانك استخدام محرك البحث الموجود على الرابط التالي للبحث عن احد المراكز الاستشارية القريبة من مكان سكنك:
https://bamf-navi.bamf.de/de/Themen/Migrationsberatung/?coord=550246.58…;
بتمنالك كل التوفيق واذا عندك أسئلة تانية فيكي تتواصلي معنا بأي وقت!