لو سمحتو عندي سؤال
إذا حدا عندو فكرة يفيدنا
في شب سوري إجا على اسبانيا من قطر ومعو إقامة قطرية عن طريق فيزا سياحة لاسبانيا ومن اسبانيا اجا على المانيا وقدم طلب لجوء ( قبل ما يمضى ست شهور على بصمتو باسبانيا ). طلب اللجوء بالمانيا انرفض وهلق عاطينو اسبوع للطعن بالقرار أو الرجعة على اسبانيا .
السؤال شو ممكن يعمل بهالحالة ؟ في مثلا يروح على بلد ثاني يقدم فيها لجوء مثل هولندا مثلا ؟ واذا رجع عاسبانيا وقدم فيها لجوء بينرفض الطلب وبيترجع على قطر ؟
الي عندو أي فكرة يفيدنا
تحياتي Zaitounah Alaa
شكرا لطرح سؤالك على منصتنا!
بشكل عام يحدد قانون دبلن البلد الأوربي المسؤول عن معالجة طلب اللجوء لكل شخص. بما انو الشخص لديه بصمة في اسبانيا وهي بلد موقع على اتفاقية دبلن، فيحق لألمانيا ارجاعه مع ملفه الى اسبانيا لكونها البلد المسؤول عن إجراءات اللجوء. لو راح على بلد تاني متل هولندا سيحدث نفس الشيء لان هولندا من البلدان الموقعة على اتفاقية دبلن. وهناك أيضا احتمال كبير ان تقوم اسبانيا برفض متابعة إجراءات اللجوء وارجاعه الى قطر لان قطر بلد آمن ولديه إقامة قانونية هناك.
بالنسبة لكسر البصمة فهذا الشي ممكن بحالات معينة لهيك بنصحك انكم تتواصل بأسرع وقت وقبل نهاية المهلة القانونية لتقديم الاعتراض، مع احد المراكز الاستشارية القريبة من مكان تواجد الشخص وسيقدم لكم المركز الاستشاري مزيد من المعلومات حول كيفية التعامل مع الحالة وسيساعدكم أيضاً بالتواصل مع الدوائر الرسمية. اذا بتحب فيك تخبرني باي مدينة ساكن وانا بساعد بإيجاد مركز استشاري أو بإمكانك استخدام محرك البحث عبر هذا الرابط وإيجاد مركز استشاري قريب والتواصل معه:
https://www.jugendmigrationsdienste.de/
في حال كان صديقك عمره فوق 27 سنة بإمكانه استخدام محرك البحث التالي:
https://bamf-navi.bamf.de/de/Themen/Migrationsberatung/?coord=372042.56…;
يمكنك أيضاً الاطلاع على مزيد من المعلومات عن اجراءات الدبلن عبر الرابط التالي:
https://handbookgermany.de/ar/dublin-procedure
بتمنالكم كل التوفيق واذا عندك اي اسئلة إضافية فيك تتواصل معنا بأي وقت!
شكرا جزيلا على إجابتك
الشب ساكن بمدينة هامبورغ
هيدا المركز بقدم استشارة بعدة لغات ومنها العربية:
https://www.fz-hh.de/de/kontakt.php
فيه يتواصل معهم ويحدد موعد
أو عن طريق محرك البحث هاد فيه مجموعة مراكز، بتلاقي كمان معلومات الاتصال لتحديد موعد:
https://bamf-navi.bamf.de/de/Themen/Migrationsberatung/?coord=566182.59…;